མཚོ་སྔོན་པོ་རྒྱལ་སྤྱིའི་བྱེ་མའི་བརྐོས་གཟུགས་དང་ས་གཞི་ཆེན་མོའི་སྒྱུ་རྩལ་དུས་ཆེན་གྱི་བརྗོད་དོན་གཏན་འཁེལ་བྱས་པ།

ཀྲུང་གོའི་སྐྱེ་ཁམས་གནས་སྐོར་ལོའི་བྱ་འགུལ་དང་སྐྱེ་ཁམས་མཚོ་སྔོན་པོ་འཛུགས་སྐྲུན་བྱེད་པར་གཞིགས་ཏེ། ༢༠༠༩ལོའི་མཚོ་སྔོན་པོའི་རྒྱལ་སྤྱིའི་བྱེ་མའི་བརྐོས་གཟུགས་དང་ས་གཞི་ཆེན་མོའི་སྒྱུ་རྩལ་དུས་ཆེན་གྱི་བརྗོད་དོན་དེ་ཚེ་སྲོག་དང་རང་བྱུང་ཡིན་པར་དངོས་སུ་གཏན་འཁེལ་བྱས།གཙོ་སྒྲུབ་ཕྱོགས་ཀྱི་དམིགས་ཡུལ་གཙོ་བོ་ནི་བྱེ་མ་དང་ས་གཞི་ཆེན་མོའི་སྒྱུ་རྩལ་གྱི་དམིགས་བསལ་བྱེད་ཐབས་དང་རྣམ་པ་ལ་གཞིགས་ནས།རྣམ་པ་མི་འདྲ་བའི་སྒོ་ནས་ཚེ་སྲོག་དང་རང་བྱུང་ཁམས་བར་གྱི་ཕན་ཚུན་གཅིག་ལ་གཅིག་བརྟེན་གྱི་ཆོས་ཉིད་མངོན་པར་མཚོན་ལ། ཚེ་སྲོག་དང་རང་བྱུང་ཁམས།མི་དང་རང་བྱུང་ཁམས་བཅས་འཆམ་མཐུན་གྱི་གནས་དགོས་པའི་བརྗོད་སྙིང་བརྗོད་ནས་མི་རྣམས་ལ་ཁོར་ཡུག་སྲུང་སྐྱོང་གི་གལ་ཆེ་བའི་དོན་སྙིང་བརྗོད་རྒྱུ་དེ་ཡིན།
    འཆར་འགོད་ལ་གཞིགས་ན། ༢༠༠༩ལོའི་མཚོ་སྔོན་པོའི་རྒྱལ་སྤྱིའི་བྱེ་མའི་བརྐོས་གཟུགས་དང་ས་གཞི་ཆེན་མོའི་སྒྱུ་རྩལ་དུས་ཆེན་དེ་ཟླ༦པའི་ཚེས༢༥ཉིན་ནས་ཟླ༡༠བའི་ཚེས༢༥ཉིན་མཚོ་སྔོན་པོའི་བྱེ་མ་ལ་བདུན་མཛེས་ལྗོངས་ཁུལ་ནས་སྤེལ་རྒྱུ་རེད།སྐབས་དེར་བྱེ་མའི་བརྐོས་གཟུགས༤༠དང་ས་གཞི་ཆེན་མོའི་སྒྱུ་རྩལ་གྱི་བརྩམས་ཆོས་ཀྱིས་མཛེས་ལྗོངས་ཁུལ་ལ་མཛེས་ལྗོངས་གསར་བ་ཞིག་བསྣན་ཏེ།བྱེ་མའི་བརྐོས་གཟུགས་དང་ས་གཞི་ཆེན་མོའི་སྒྱུ་རྩལ་གྱི་བརྗོད་དོན་སྤྱི་གླིང་དུ་འགྱུར་ངེས་ལ།  མཚོ་སྔོན་པོ་མཛེས་ལྗོངས་ཁུལ་ནི་ལྟ་ན་སྡུག་པའི་མཛེས་ལྗོངས་ཤིག་ཏུ་བསྐྲུན་རྒྱུ་རེད།  །