མཚོ་སྔོན་མི་རིགས་སློབ་གྲྭ་ཆེན་མོའི་སྐབས་དང་བོའི་གླིང་སྒྲུང་ཆེད་ལས་ཀྱི་ཞིབ་འཇུག་སློབ་མའི་དཔྱད་རྩོམ་བགྲོ་གླེང་ཟི་ལིང་དུ་བསྡུས་པ།

ཟླ༥བའི་ཚེས༡༧ཉིན་མཚོ་སྔོན་མི་རིགས་སློབ་གྲྭ་ཆེན་མོ་བོད་རིག་པའི་སློབ་གླིང་གི་ཞིབ་འཇུག་སློབ་མའི་དཔྱད་རྩོམ་བགྲོ་གླེང་དེ་ཚོ་ཆུང་གསུམ་དུ་བགར་ནས་མཚོ་སྔོན་མི་རིགས་སློབ་གྲྭ་ཆེན་མོའི་སློབ་ཁྲིད་ཐོག་དང་པོ་ནས་བསྡུས།

  
    ཚོ་ཆུང་འདིའི་བགྲོ་གླེང་སྟེང་ཞིབ་འཇུག་སློབ་མ་བརྒྱད་ཞུགས་ཡོད་པ་དང་། དེའི་ཁྲོད་སློབ་མ་གཉིས་ནི་གླིང་སྒྲུང་ཆེད་ལས་ཀྱི་ཞིབ་འཇུག་སློབ་མ་ཡིན་ལ། མཚོ་སྔོན་མི་རིགས་སློབ་གྲྭ་ཆེན་མོ་བོད་རིག་པའི་སློབ་གླིང་དུ་གླིང་སྒྲུང་ཆེད་ལས་ཀྱི་ཞིབ་འཇུག་སློབ་མ་བསྡུ་བར་འགོ་བརྩམས་པ་ནས་བཟུང་གླིང་སྒྲུང་ཆེད་ལས་ཀྱི་མཐར་ཕྱིན་སློབ་མ་ཐོག་དང་པོ་ཡིན།