<<ཧུ་མ་དང་ཧུ་མའི་སྒྲུང་རབས་ཆེན་མོའི་དཔྱད་གླེང>>ཞེས་པའི་དཔེ་དེབ་དཔར་དུ་བསྐྲུན་པ།

ཉེ་ལམ། སྒང་རྒྱལ་མཚན་ཚེ་རིང་དང་། ཡོན་ཏན། བདུད་འདུལ་རྡོ་རྗེ། བསམ་འགྲུབ། མགོན་པོ་སྐྱབས་བཅས་ཀྱིས་སྒྲིག་བསྒྱུར་བྱས་པའི<<ཧུ་མ་དང་ཧུ་མའི་སྒྲུང་རབས་ཆེན་མོའི་དཔྱད་གླེང>>ཞེས་པའི་དེབ་དེ་ནུབ་བྱང་མི་རིགས་སློབ་གྲྭ་ཆེན་མོས་རིག་གཞུང་ཆེད་རྩོམ་གཙོ་བོར་བཞག་ནས་འགྲོ་གྲོན་ཡོད་ཚད་འགན་འཁུར་ཏེ། ༢༠༠༩ལོའི་ཟླ་བཞི་བར་ཀན་སུའུ་མི་རིགས་དཔེ་སྐྲུན་གིས་དཔེ་བསྐྲུན་འགྲེམས་སྤེལ་བྱས།
     དཔེ་དེབ་དེར་ལོ་ངོ་སྟོང་ཕྲག་ལྷག་གི་རིང་ལ་ནུབ་ཕྱོགས་ཀྱི་རིག་གཞུང་འདྲ་མིན་གྱི་མཁས་དབང་ཚོས་ཧུ་མའི་སྒྲུང་རབས་ཆེན་མོ་དེ་ལ་གདེངས་འཇོག་དང་ཞིབ་དཔྱོད་མཛད་ཚུལ་དང་། སྒྲུང་རབས་དངོས་ལ་རིན་ཐང་ངམ་བརྗོད་སྙིང་གང་ཡོད་རགས་རིམ་ཞིག་བོད་ཡིག་ཐོག་ནས་ཀློག་མཁན་ཚོར་ངོ་སྤྲོད་བྱས་ཡོད་ལ། སྒྲུང་རབས་ཆེན་མོ་འདི་དང་འབྲེལ་བའི་དཔྱད་གཞིའི་ཡིག་ཆ(བོད་ཡིག་གི་ཡིག་ཆ)ཞིག་ཁྱོན་ནས་མེད་པའི་སྟོང་ཆ་བསྐངས་ཡོད་པས། ད་སྔ་བར་དུ་ཧུ་མའི་སྒྲུང་རབས་བོད་ཡིག་གི་ལམ་ནས་མཚམས་སྦྱོར་བྱས་པའི་དེབ་ཐོག་མའང་ཡིན་ནོ། །